నటించడం.. ఆపేయడం నా ఇష్టం!

Radhika-Pandit-On-Compromising-Career-After-Marrying-Yash-Andhra-Talkies
గత జెనరేషన్ వారితో పోలిస్తే ఈ సోషల్ మీడియా జెనరేషన్ వారికి ఫ్రీడమ్ చాలా ఎక్కువ ఉంది.  కానీ దీనికి నెగెటివ్ ఎఫెక్ట్ అన్నట్టుగా ప్రతి ఒక్క విషయంపై మన అమూల్య అభిప్రాయాలు పడేయడం కూడా కామన్ అయిపోయింది. నిజానికి ఎవరి పనులు వారు చేసుకోకుండా  హీరోలు ఎలా ఉండాలి..  వరదలు వస్తేఎంత డొనేషన్ ఇవ్వాలి.. హీరోయిన్లు ఎలా ఉండాలి.. ఎలాంటి డ్రెస్ వేసుకోవాలి ఇలా అన్ని నిర్ణయాలు నెటిజనులే చెప్పేస్తున్నారు.  అయినదానికీ కానిదానికి సెలబ్రిటీలను ట్రోల్ చేయడం కూడా చాలా సాధారణం అయిపోయింది.  ఇలానే రీసెంట్ గా 'కేజీఎఫ్' స్టార్ యష్ సతీమణి రాధిక పండిట్ కు నెటిజనుల నుండి హీట్ తగిలింది.

పద్మశ్రీ అందుకున్న సిరివెన్నెల సీతారామశాస్త్రి

Sirivennela-Seetharama-Sastry-honoured-by-President-Ram-Nath-Kovind-Andhra-Talkies
ఎన్నో తెలుగు సినిమాకు తన కలంతో ప్రాణం పోసి తెలుగు లెజెండ్రీ రచయితగా పేరు దక్కించుకున్న సిరివెన్నెల సీతారామశాస్త్రి గారికి కేంద్ర ప్రభుత్వం మొన్న గణతంత్ర దినోత్సవం సందర్బంగా పద్మశ్రీ అవార్డును ప్రకటించిన విషయం తెల్సిందే. దేశంలోనే నాల్గవ అత్యున్నత అవార్డు అయిన పద్మశ్రీ అవార్డు తెలుగు సినిమా రచయితకు రావడంతో తెలుగు సినిమా పరిశ్రమ మొత్తం హర్షం వ్యక్తం చేసింది. నేడు రాష్ట్రపతి చేతుల మీదుగా శాస్త్రిగారు ఆ అవార్డును అందుకున్నారు.

నేడు ఢిల్లీలోని రాష్ట్రపతి భవన్ లో ప్రముఖుల సమక్షంలో - కుటుంబ సభ్యుల సమక్షంలో సిరివెన్నెల సీతారామ శాస్త్రిగారు పద్మశ్రీ అవార్డును రాష్ట్రపతి చేతుల మీదుగా అందుకున్నారు. తెలుగు సాహిత్యంపై తనదైన ముద్ర వేసిన శాస్త్రిగారికి పద్మ అవార్డు రావడం తెలుగు సినిమా పరిశ్రమకు సంతోషకర విషయం అంటూ సినీ ప్రముఖులు ఈ సందర్బంగా స్పందించారు.

ఏప్రిల్ లో పెళ్లి.. బాలీవుడ్ కి పార్టీ!

Sexy-Heroin-Malaika-Arora-And-Arjun-Kapoor-To-Get-Married-In-April-2019-Andhra-Talkies
మలైకా ఆరోరాఖాన్ - అర్జున్ కపూర్ ప్రేమాయణం - పెళ్లి గురించి ఆసక్తికర చర్చ సాగుతోంది. ఈ భామ లేటు వయసు ఘాటు ప్రేమపై ఇప్పటికే బాలీవుడ్ మీడియా వేడెక్కించే కథనాలను వండి వారుస్తోంది. సదరు యువహీరోతో మలైకా షికార్లు వెంబడించి మరీ హైలైట్ చేస్తూ బాలీవుడ్ మీడియా చేస్తున్న రచ్చ మామూలుగా లేదు. సరిగ్గా ఇలాంటి సమయంలోనే ప్రఖ్యాత క్వింట్ ఈ జోడీ ఏప్రిల్ లో పెళ్లి చేసుకునేందుకు రెడీ అవుతున్నారని ఓ ఆసక్తికర కథనం ప్రచురించింది. తాజాగా మరో అప్ డేట్ అందింది. ఈ జోడీ వివాహం పూర్తి ప్రయివేట్ ఎఫైర్ గా ఉండేలా ప్లాన్ చేస్తున్నారని తెలుస్తోంది. వివాహానంతరం బాలీవుడ్ ప్రముఖులకు ఓ విందు కార్యక్రమాన్ని ఏర్పాటు చేస్తున్నారట. ఈ వేడుకకు మలైకా - అర్జున్ ఇరు కుటుంబాలకు అత్యంత  సన్నిహితులు - హితులు ఎటెండ్ అవుతారని తెలుస్తోంది.

అనుష్క 14 ఏళ్ల క్రితం జ్ఞాపకాలు

Heroin-Anushka-Says-Thanks-to-Nagarjuna-and-Puri-Jagannath-Andhra-Talkies
టాలీవుడ్ లో దశాబ్ద కాలం పాటు స్టార్ హీరోయిన్ గా కొనసాగడం అంటే మామూలు విషయం కాదు. కొద్ది మందికి మాత్రమే దక్కిన ఆ గౌరవం అనుష్క కూడా పొందింది. అనుష్క గత సంవత్సర కాలంగా సినిమాలకు దూరంగా ఉన్నా కూడా ప్రేక్షకులు ఆమె సినిమాల కోసం ఎంతో ఆసక్తిగా ఎదురు చూస్తూనే ఉన్నారు. 'బాహుబలి' చిత్రంతో బాలీవుడ్ స్థాయిలో గుర్తింపు దక్కించుకున్న అనుష్క ప్రస్తుతం 'సైలెన్స్' అనే చిత్రంలో నటించేందుకు సిద్దం అవుతోంది. హేమంత్ మధుకర్ దర్శకత్వంలో రూపొందబోతున్న ఈ చిత్రంతో అనుష్క చిన్న గ్యాప్ తీసుకుని రీ ఎంట్రీ ఇవ్వబోతుంది. ఇక అనుష్క సినీ ఎంట్రీ ఇచ్చి 14 ఏళ్లు పూర్తి చేసుకున్న నేపథ్యంలో సోషల్ మీడియాలో ఒక వీడియోను షేర్ చేసింది.

రంగీలాకు రాము 'హ్యపీ ఉమన్స్ డే'..!

Director-Ram-Gopal-Varma-Womens-Day-Wishes-to-Urmila-Andhra-Talkies
ఈ రోజు ప్రపంచవ్యాప్తంగా అంతర్జాతీయ మహిళా దినోత్సవం జరుపుకుంటున్నారు.  ఈ సందర్భాన్ని దర్శకుడు రామ్ గోపాల్ వర్మ కూడా తన సినిమాకు ఆయుధం గా వాడుకున్నాడు. మార్చ్ 6 బుధవారం నాడు ఆయన ఇలా ట్వీట్ చేశాడు "లక్ష్మీస్ ఎన్టీఆర్ అనేది ఫస్ట్ ఉమన్ ఓరియెంటెడ్ మెన్స్ ఫిలిం.  హ్యాపీ ఉమెన్స్ డే."  అది రెండ్రోజుల క్రితం.  ఈరోజు 'ఉమెన్స్ డే' సందర్భంగా 'లక్ష్మీస్ ఎన్టీఆర్' రెండో ట్రైలర్ రిలీజ్ చేశారు.

 'లక్ష్మీస్ ఎన్టీఆర్' ట్రైలర్ 2.. హంగామా అంతా ప్రొఫెషన్ కోసం ఉమెన్స్ డే సెలబ్రేషన్.  కానీ వ్యక్తిగతంగా ఉమన్స్ డే సెలబ్రేషన్ మరోరకంగా చేశాడు.  తనకు ప్రియమైన హీరోయిన్ అయిన ఊర్మిళ మాతోండ్కర్ కు ట్విట్టర్.. ఇన్స్టా గ్రామ్ ఖాతాల ద్వారా మహిళా దినోత్సవ శుభాకాంక్షలు తెలిపాడు.  'రంగీలా' సినిమా ఊర్మిళ పోస్టర్ ను షేర్ చేసి "అందమైన రంగులను చల్లిన మహిళకు..  హ్యాపీ ఉమన్స్ డే" అంటూ ప్రత్యేకంగా విషెస్ తెలిపాడు.

ఓవర్సీస్ లో 'సైరా' సీన్ ఎంత?

Mega-Star-Chiranjeevi-Sye-Raa-Movie-Overseas-Business-Andhra-Talkies
మెగాస్టార్ చిరంజీవి టైటిల్ పాత్రలో నటిస్తున్న చిత్రం `సైరా-నరసింహారెడ్డి`. సురేందర్ రెడ్డి దర్శకత్వం వహిస్తున్నారు. కొణిదెల ప్రొడక్షన్స్ కంపెనీ పతాకంపై  మెగా పవర్ స్టార్ రామ్ చరణ్ నిర్మిస్తున్నారు. డాడ్ కోసం అన్ లిమిటెడ్ బడ్జెట్ కేటాయిస్తున్నామని చరణ్ తొలి టీజర్ ఈవెంట్ లో ప్రకటించిన సంగతి తెలిసిందే. ప్రకటించడమే కాదు.. ప్రాక్టికల్ గా దానిని చేసి చూపిస్తున్నారు రామ్ చరణ్. సైరా చిత్రాన్ని పాన్ ఇండియా కాన్వాసులో అత్యంత భారీగా రిలీజ్ చేసేందుకు సన్నాహాలు చేస్తున్నారు. అందుకు తగ్గట్టే కంటెంట్ ని ఎంపిక చేసుకుని విజువల్ వండర్ ని ఆవిష్కరించేందుకు తపిస్తున్నారు. నాన్నకు ప్రేమతో చరణ్ ఇస్తున్న కానుక కాబట్టి అందుకు తగ్గట్టే విజువల్స్ విషయంలో ఏమాత్రం రాజీకి వచ్చేందుకు చరణ్ సిద్ధంగా లేరని సన్నిహిత వర్గాల ద్వారా తెలుస్తోంది. జార్జియాలో చిత్రీకరించిన యాక్షన్ ఎపిసోడ్స్ - అల్యూమినియం ఫ్యాక్టరీ పరిసరాల్లోని సెట్ లో తెరకెక్కించిన సన్నివేశాలు సినిమాకి చాలా కీలకమైనవి. సమరయోధుడి వీరత్వానికి సంబంధించిన సన్నివేశాలు నభూతోనభవిష్యతి అన్న తీరుగా తీర్చి దిద్దేందుకు వీఎఫ్ ఎక్స్ టీమ్ తో కలిసి పని చేస్తున్నారట. స్వాతంత్ర సమరాన్ని ఆరంభించిన తెలుగు వీరుడు ఉయ్యాలవాడ నరసింహా రెడ్డి కథను విజువల్ వండర్ ని తలపించేలా చూపించడాన్ని కొణిదెల టీమ్ ఛాలెంజ్ గా భావిస్తోందట.

టాప్ స్టోరి: పాక్ సినిమాకి ఉరి శిక్ష!

Bollywood-Movies-Effect-on-Pakistan-Andhra-Talkies
Bollywood-Movies-Effect-on-Pakistan-Andhra-Talkies
తెలివైన దాయాది ఎప్పుడూ తెలివితక్కువ పని చేయకూడదు. ఈగోలకు.. పంతానికి పోతే ఆ నష్టం దారుణంగానే ఉంటుంది. ప్రస్తుతం పాక్ సన్నివేశం అలానే ఉంది. ముఖ్యంగా పాకిస్తాన్ సినిమా ఒకే ఒక్క దెబ్బకు కుదేలైపోయింది. పుల్వామా దాడి అనంతరం తీవ్రవాద స్థావరాలపై భారత వైమానిక దళం దాడులు.. ఏరివేత వల్ల ఇరు దేశాల మధ్య స్నేహ సంబంధాలు దెబ్బ తిన్నాయి. ప్రస్తుతం సరిహద్దుల్లో యుద్ధ వాతావరణం నెలకొంది. ఇది కేవలం సరిహద్దుల వరకే పరిమితం కాదు. అన్ని రంగాలపైనా తీవ్రంగా పడుతోంది. ప్రస్తుతం పాకిస్తాన్ సినిమాని భారత్ నిషేధించింది. ఇక్కడ థియేటర్లలో పాక్ సినిమా రిలీజ్ చేయడానికి అనుమతిని నిరాకరించింది. దీంతో పాకిస్తాన్ సినీఇండస్ట్రీకి చావు దెబ్బ తగిలింది. పాకిస్తాన్ సినిమాలకు బాలీవుడ్ వల్ల రెవెన్యూ బాగా జనరేట్ అవుతుంది. తాజా నిషేధంతో అంతా పోయినట్టే. ఇప్పట్లో పాక్ సినీపరిశ్రమ కోలుకోవడం అంత సులువేం కాదు.

లైంగిక వేదింపులతో నటనకు గుడ్ బై

Kerala-Actress-Kani-Kasruti-Sensational-Comments-on-Casting-Couch-Andhra-Talkies
ఆ ఇండస్ట్రీ ఈ ఇండస్ట్రీ అనే తేడా లేకుండా అన్ని భాషల సినీ ఇండస్ట్రీస్ లో కూడా లైంగిక వేదింపులు ఉన్నాయని మీటూ ఉద్యమం ప్రారంభం అయిన తర్వాత వెళ్లడయ్యింది. చాలా మంది బయటకు మాట్లాడలేక పోయినా లోలోపల మీటూ ఉద్యమం వల్ల మంచి జరుగుతుందని ఆశిస్తున్నారు. మరో వైపు మీటు ఉద్యమం గతి తప్పిందంటూ విమర్శలు వ్యక్తం అవుతున్నాయి. ఇలాంటి సమయంలో మలయాళ నటి కాని కుస్రుతి లైంగిక వేదింపుల కారణంగా నటనకు గుడ్ బై చెబుతున్నట్లుగా ప్రకటించింది.

ఇండస్ట్రీలో అడుగు పెట్టినప్పటి నుండి కూడా ఎన్నో సార్లు ఎంతో మంది చేతిలో లైంగిక వేదింపులకు గురయ్యానని ఆవేదన వ్యక్తం చేసిన కాని కుస్రుతి నటనకు స్వస్థి చెప్పి మీటూ ఉద్యమంలో పూర్తి స్థాయిలో పాల్గొనేందుకు సిద్దం అయ్యింది. మలయాళంలో మూడు నాలుగు సినిమాలతో మంచి గుర్తింపును దక్కించుకోవడంతో పాటు తమిళంలో ఒక షార్ట్ ఫిల్మ్ తో తమిళ ప్రేక్షకుల్లో కూడా గుర్తింపు దక్కించుకుంది.

పుకార్లకు చెక్ పెట్టేసిన టాలీవుడ్ గూఢచారి

Tollywood-Actor-Adivi-Sesh-rubbishes-wedding-reports-Andhra-Talkies
ఈ పాడులోకం బ్యాచిలర్లను ప్రశాంతంగా బతకనివ్వదు కదా.  పెళ్ళెప్పుడు.. ఎప్పుడు.. ఎప్పుడు? పెళ్ళి ఎవరితో.. ఎవరితో.. ఎవరితో? ఇలా వేధిస్తారు.   ఒకవేళ సదరు హీరో ఇలాంటి ప్రశ్నలకు సమాధానం చెప్పకుండా తప్పించుకుందామంటే ఎవరో ఒక చక్కని చుక్కను అంటగట్టి 'విషయం ఉందటగా.. పెళ్ళెప్పుడు?' అని మళ్ళీ మొదటికే వస్తారు.  బాహుబలి.. భల్లలదేవులకే ఈ పీడ తప్పడం లేదు.. అలాంటిది టాలీవుడ్ గూఢచారిని ఎలా వదులుతారు?

అదే పనిగా గూఢచారి అడివి శేష్ పెళ్ళి గురించి తెగ రూమర్లు హల్చల్ చేస్తుండడంతో ఇక చేసేది లేక తన ఇన్ స్టాగ్రామ్ ఖాతా ద్వారా తన లవ్వు ఏంటో చెప్పేశాడు.. "గయ్స్ అండ్ గర్ల్స్.. నా జీవితంలో పెద్ద విషయం ఏదైనా ఉందంటే అది సినిమాలు. యాక్టింగ్. రైటింగ్.  నాకిష్టమైన వాటిని చేస్తూ నా కలలను సాకారం చేసుకుంటున్నాను. వినమ్రంగా ఉండడానికి ప్రయత్నిస్తున్నాను. కష్టపడుతున్నాను. నన్ను నేను మెరుగుపరుచుకుంటున్నాను.  నా బెస్ట్ ఇచ్చేందుకు ప్రయత్నిస్తున్నాను. ఇంకేం లేదు." ఈ పిక్చర్ మెసేజికి శేష్ గారు ఇచ్చిన క్యాప్షన్ #ట్రూత్.

రియల్ పాలిటిక్స్ కు నో.. రీల్ పాలిటిక్స్ కు యస్! - సూపర్ స్టార్ మహేష్ బాబు

No-For-Real-Politics-And-Yes-For-Reel-Politics-Maheshbabu-Andhra-Talkies
పెద్ద పెద్ద స్టార్ హీరోలకు రెగ్యులర్ గా ఎదురయ్యే ప్రశ్నల్లో ఒకటి.. "మీకు రాజకీయాలంటే ఇంట్రెస్ట్ ఉందా.. పొలిటికల్ ఎంట్రీ ఇచ్చే ఆలోచన ఉందా?"   ఒకవేళ ఈ ప్రశ్నకు సమాధానం 'నో' అని ఆ స్టార్ హీరో  చెప్తే.. "ఇప్పుడున్న పార్టీల్లో ఏ పార్టీకి మద్ధతిస్తారు?" అంటూ మరో ప్రశ్న అడుగుతారు.  ఈ ప్రశ్నలు సూపర్ స్టార్ మహేష్ బాబును అడిగిన ప్రతి సారీ తన ఫోకస్ సినిమాలపైనేనని క్లారిటీ ఇచ్చాడు.

రీసెంట్ గా మహేష్ సతీమణి నమ్రతను ఇదే విషయంపై ప్రశ్నిస్తే "మహేష్ ఏ రాజకీయ పార్టీకి మద్దతు ఇవ్వడం లేదని.. ఫలానా అభ్యర్థిని సమర్థించడం లాంటిది కూడా చేయడం లేదని" క్లారిటీ ఇచ్చారు. నిజ జీవితంలో రాజకీయాలకు ఆమడ దూరం ఉండే టాలీవుడ్ సూపర్ స్టార్ సినిమాల విషయం వచ్చేసరికి రాజకీయ నాయకుడిగా కనిపించేందుకు ఏమాత్రం వెనుకాడడు.  'దూకుడు' లో డూప్ ఎంఎల్ ఎ పాత్ర కానివ్వండి.. 'భరత్ అనే నేను' సినిమాలో నిజం సీఎమ్ పాత్ర కానివ్వండి.. దేనికైనా సైసై అంటాడు.

Related Posts Plugin for WordPress, Blogger...
Related Posts Plugin for WordPress, Blogger...