వెయిట్ లాస్ కు సంబంధించిన ఈ యాడ్ లో ప్రచారకర్తలుగా వ్యవహరించిన రాశి.. రంభలకు షాకిచ్చిన కోర్టు

Consumer-Court-Notices-To-Tollywood-Actress-Rashi-and-Ramba-For-Ads-Andhra-Talkies
టాలీవుడ్ లో ఒకప్పుడు తమ అందచందాలతో.. నటనతో ఆకట్టుకోవటమే కాదు.. ప్రేక్షకుల గుండెల్లో గుబులు రేపిన హాట్ భామలు రాశి.. రంభలకు తాజాగా కోర్టు షాకిచ్చింది. దీనికి కారణం.. వారిద్దరూ ఒక సంస్థకు చేసిన వాణిజ్య ప్రకటనగా చెప్పాలి. కలర్స్ అనే సంస్థలు ఈ నటీమణులు ఇద్దరూ నటించారు.

వెయిట్ లాస్ కు సంబంధించిన ఈ యాడ్ లో ప్రచారకర్తలుగా వ్యవహరించిన రాశి.. రంభలు చెప్పిన మాటలకు.. ఆ కంపెనీ సేవల్లో అంతరంపై తాను మోసపోయినట్లుగా ఒక వినియోగదారుడు విజయవాడ వినియోగదారుల ఫోరంను ఆశ్రయించారు.

ఈ కేసుపై విచారణ జరిపిన న్యాయమూర్తి.. కలర్స్ సంస్థ ప్రకటనను వెంటనే నిలిపివేయాలంటూ ఆదేశాలు జారీ చేశారు. వాణిజ్య ప్రకటనతో మోసం చేయొద్దని హెచ్చరించటంతో పాటు జరిమానాను విధించారు. కలర్స్ సంస్థకు చెందిన ప్రకటనను ఎవరూ ప్రసారం చేయొద్దని.. వాటిని వెంటనే నిలిపివేయాలని కోర్టు పేర్కొంది.

మెగాస్టార్ చిరంజీవి సినిమా సైరా: ఇతర భాషల్లో ఆదరిస్తారా?

Tollywood-Sye-Raa-Movie-in-Other-Languages-Andhra-Talkies
మెగాస్టార్ చిరంజీవి హీరోగా.. సురేందర్ రెడ్డి దర్శకత్వంలో.. రామ్ చరణ్ నిర్మాణంతో తెరకెక్కిన భారీ బడ్జెట్ చిత్రం.  బడ్జెట్ కరెక్ట్ గా ఎంత.. ఎన్ని వందల కోట్లు అనే విషయం పక్కన పెడితే.. తెలుగులో మాత్రమే ఈ సినిమా సూపర్ హిట్ అయితే పెట్టుబడి మొత్తం రికవర్ కాదు అనేది అందరూ ఒప్పుకునే వాస్తవం. మరి ఇలాంటి పరిస్థితుల్లో ఇతర భాషల్లో 'సైరా' పరిస్థితి ఏంటి?

తెలుగు ప్రేక్షకుల్లో మెగాస్టార్ కు తిరుగులేదు. ఇప్పటికీ చిరు చాలా పెద్ద స్టార్.  ఇక మెగా ఫ్యాన్స్ అండ ఎలాగూ ఉంటుంది.  సాధారణ ప్రేక్షకుల్లో కూడా చిరుపై ఎప్పుడూ అభిమానం ఉంటుంది.  ఆ విషయం చిరు రీ ఎంట్రీ సినిమాతోనే ప్రూవ్ అయింది. ఇక ఈ సినిమాలో చిరుతో పాటుగా అదనంగా ఎన్నో ఆకర్షణీయమైన అంశాలు ఉన్నాయి కాబట్టి ఓపెనింగ్స్ కు దిగులు ఉండదు.  ఇక సినిమాకు హిట్ టాక్ వస్తే ఆకాశమే హద్దుగా చెలరేగిపోతుంది.  అయితే మిగతా భాషల్లో మాత్రం ఇలాంటి పరిస్థితిని ఎంతమాత్రం ఆశించలేం.

గారాల చెల్లిని ఫిలిం స్కూల్ కి పంపిన అక్క జాన్వీ కపూర్

Sridevi-Janhvi-Kapoor-sets-sibling-goals-with-an-endearing-goodbye-post-for-Khushi-Kapoor-Andhra-Talkies.jpg
అక్క చెల్లెళ్ల అనుబంధం గురించి చెప్పాలంటే.. బాలీవుడ్ లో జాన్వీ - ఖుషీ కపూర్ మధ్య అనుబంధం గురించి ప్రత్యేకంగా చెప్పుకోవాలి. ఆ ఇద్దరూ ఒకరిని విడిచి ఒకరు ఉండలేరు. ఎక్కడికి వెళ్లినా కలిసే వెళుతుంటారు. ఫ్యామిలీ ఫంక్షన్లకే కాదు.. డిన్నర్ పార్టీలు.. నైట్ పార్టీలకు కలిసి వెళ్లడం అలవాటు. చాలాసార్లు నగరంలో కలిసి షికార్లు చేస్తూ కెమెరాల కంటికి చిక్కారు. అలాగే ఇన్ స్టాగ్రమ్ లోనూ రెగ్యులర్ గా తమ బాండింగ్ కి సంబంధించిన ఫోటోల్ని షేర్ చేస్తూ అభిమానులకు అదిరిపోయే ట్రీట్ ఇస్తుంటారు.

అయితే ఆ సిస్టర్స్ మధ్య ఊహించని ఎడబాటు తప్పడం లేదు. ఇన్నాళ్లు జాన్వీ కపూర్ కెరీర్ గురించే ముచ్చటించుకున్న అభిమానులు ఇకపై ఖుషీ కపూర్ సినీ ఎంట్రీ గురించి ముచ్చటించుకునే టైమ్ వచ్చేసింది. అందుకే ఖుషీ నట శిక్షణ కోసం న్యూయార్క్ బయల్దేరింది. అయితే తనకు గుడ్ బాయ్ చెప్పడానికి జాన్వీ విమానాశ్రయానికి వెళ్లలేకపోయింది. అందువల్ల గారాల చెల్లి ఖుషీతో తాను కలిసి ఉన్నప్పటి ఓ ఫోటోని షేర్ చేసిన స్వీట్ మెసేజ్ ని పెట్టింది. ఆ ఫోటోలో అక్క చెల్లెళ్ల మధ్య  లవ్ లీ బాండింగ్ ఆకట్టుకుంటోంది. జాన్వీ తన చిట్టి చెల్లెలు నుదిటిపై ముద్దాడుతోంది. ఆ ఫోటోకి క్యాప్షన్ అదిరిపోయింది.

300 కోట్ల సాహో సినిమాలో ఇలాంటి పాటలా?

No-Buzz-To-Prabhas-Movie-Saaho-Songs-Andhra-Talkies
సాహో మొత్తానికి స్క్రీన్ పైకి వచ్చేసింది. డివైడ్ టాక్ ఖంగారు పెడుతున్నా మూడు రోజులకు అడ్వాన్స్ బుకింగ్ దాదాపుగా పూర్తయ్యింది కాబట్టి సోమవారం నుంచి ఎలాంటి రన్ ఉంటుందనే దాన్ని బట్టి ఫైనల్ స్టేటస్ ఆధారపడి ఉంది. ఇలాంటి రిపోర్ట్ రావడానికి సాహోలో ప్రతికూలాంశాలు చాలా ఉన్నాయి కానీ ముఖ్యంగా సంగీతం గురించిన నెగటివ్ కామెంట్స్ ఎక్కువగా వస్తున్నాయి. 300 కోట్ల బడ్జెట్ సినిమాకు సరైన రీతిలో సంగీత దర్శకులను సెట్ చేసుకోకపోవడం ఎంత ఖరీదైన తప్పో ఇవాళ అర్థమవుతోంది.

ఉన్న నాలుగు పాటలూ ఎవరికీ కనెక్ట్ కాలేక కేవలం విజువల్స్ కారణంగా మాత్రమే చూడబుద్ది అవుతున్నాయంటే మ్యూజిక్ విషయంలో సాహో చేసిన బ్లండర్ స్పష్టంగా కనిపిస్తోంది. ఒక్కో ట్యూన్ ఒక్కో సంగీత దర్శకుడు కంపోజ్ చేయడం బ్యాక్ గ్రౌండ్ స్కోర్ కోసం పక్కరాష్ట్రం నుంచి జిబ్రాన్ ను ప్రత్యేకంగా తీసుకోవడం ఇవేవి అంతగా ప్లస్ కాలేకపోయాయి. ఏ ట్యూనూ పది కాలాల పాటు గుర్తుపెట్టుకునేలా లేకపోవడం సాహో మ్యూజిక్ లోని అతి పెద్ద ట్రాజెడీ.

ప్రభాస్ కు మళ్లీ జక్కన్న సెంటిమెంట్ దెబ్బ పడింది

Saho-hero-Prabhas-Continuous-Rajamouli-Sentiment-Andhra-Talkies
ప్రభాస్ 'సాహో' చిత్రం భారీ అంచనాల నడుమ నేడు విడుదలైన విషయం తెల్సిందే. విడుదలైన ప్రతి చోట కూడా నెగటివ్ టాక్ నే మూట కట్టుకుంది. 350 కోట్ల బడ్జెట్ అంటూ భారీగా ప్రచారం చేయడంతో సినిమాపై అంచనాలు పీక్స్ కు చేరాయి. మరో బాహుబలి ఖాయమని అంతా భావించారు. కాని టాక్ బ్యాడ్ గా వచ్చింది. రాజమౌళి దర్శకత్వంలో చేసిన ఏ హీరో అయినా కెరీర్ బిగ్గెస్ట్ సక్సెస్ దక్కించుకోవడం ఆ తర్వాత అట్టర్ ఫ్లాప్ అవ్వడం మనం చూస్తూనే ఉన్నాం.

ఎన్టీఆర్.. నితిన్.. రవితేజ.. ప్రభాస్.. రామ్ చరణ్... సునీల్ ఇలా ప్రతి ఒక్కరు కూడా రాజమౌళి దర్శకత్వంలో సినిమా చేసిన తర్వాత ఫ్లాప్ లు చవిచూసిన వారే. ప్రభాస్ కు ఛత్రపతి చిత్రం తర్వాత చాలా కాలం వరకు సరైన సక్సెస్ రాలేదు. మళ్లీ ఇప్పుడు 'బాహుబలి' రెండు పార్ట్ లు చేసిన తర్వాత ప్రతిష్టాత్మకంగా తీసుకుని చేసిన 'సాహో' చిత్రం కూడా నిరాశ పర్చింది. రాజమౌళి బ్యాడ్ సెంటిమెంట్ ను బ్రేక్ చేయాలనుకున్న ప్రభాస్ కు సాధ్య పడలేదు.

యంగ్ టైగర్ జోడి దొరికిందా

Is-She-NTR-Love-Interest-In-RRR-Andhra-Talkies
టాలీవుడ్ క్రేజీ మల్టీ స్టారర్ ఆర్ ఆర్ ఆర్ షూటింగ్ మొదలై ఆరు నెలలు దాటినా ఇప్పటిదాకా జూనియర్ ఎన్టీఆర్ కి జోడి  సెట్ కాకపోవడం అభిమానులను టెన్షన్ లో పెడుతూ వచ్చింది.ప్రకటించినప్పుడు ఉన్న డైసీ ఎడ్గార్ జోన్స్ తర్వాత హ్యాండ్ ఇవ్వడంతో కథ మళ్ళి మొదటికి వచ్చింది. కథ ప్రకారం జూనియర్ పోషిస్తున్న పాత్ర బ్రిటిష్ అమ్మాయిని ప్రేమించేలా ఉండటంతో దాన్ని మార్చే అవకాశం లేక తగిన బ్యూటీ కోసం రాజమౌళి వేట సాగిస్తూ వచ్చాడు.

ఫైనల్ గా హాలీవుడ్ నటి ఏమ్మా రాబర్ట్స్ దగ్గర బాల్ ఆగిందని కొద్దిరోజుల క్రితమే లీక్స్ వచ్చాయి. కాని అధికారిక ప్రకటన రాకపోవడంతో సస్పెన్స్ కొనసాగుతోంది. కాని అంతర్గత సమాచారం మేరకు పైకి ఇంకా చెప్పకపోయినా ఏమ్మా రాబర్ట్స్ ఫిక్స్ అయినట్టు తెలిసింది. త్వరలోనే సెట్ లో జాయిన్ అవుతుందని ఆలోగా చిన్న ప్రెస్ మీట్ లాంటిది పెట్టి కొన్ని అప్ డేట్స్ తో పాటు ఏమ్మా రాబర్ట్స్ కు సంబంధించిన ప్రకటన ఇవ్వొచ్చని తెలిసింది.

ఫోటో స్టొరీ: సెగలు రేపుతున్న శ్రీలంక బ్యూటీ

Hitest-Heroin-Jacqueline-Fernandez-Glamorous-Still-Andhra-Talkies
జాక్వెలిన్ ఫెర్నాండెజ్ పేరు తెలియని హిందీ సినిమా ప్రియులు దాదాపుగా ఉండరు. ఇక హిందీ సినిమాలే చూడని తెలుగు ప్రేక్షకులకు జాక్వెలిన్ పేరు త్వరలోనే  తెలిసిపోతుంది. ఎందుకంటే సాహో లో 'బ్యాడ్ బాయ్' పాటకు ప్రభాస్ తో కలిసి స్టెప్పులు వేసింది.  బాలీవుడ్ లో పలు హిట్ చిత్రాల్లో నటించిన ఈ భామ సోషల్ మీడియాలో హైపర్ యాక్టివ్. ఇన్స్టా గ్రామ్ లో జాక్వెలిన్ కు 31.4  మిలియన్ల ఫాలోయర్లు ఉన్నారు. హాట్ ఫోటోలతో వారిని రెగ్యులర్ గా థ్రిల్ చేయడం జాక్వెలిన్ హాబీ.

హిట్లు ఫ్లాపులతో సంబంధం లేకుండా ఈ హాటు ఉద్యమాన్ని ముందుకు తీసుకుపోతూ ఉంటుంది.  తాజాగా జాక్వెలిన్ తన ఇన్స్టా ఖాతా ద్వారా ఒక ఫోటో పోస్ట్ చేసింది.  ఈ స్టిల్ 'సాహో' బ్యాడ్ బాయ్ పాట లోనిదని వెల్లడించింది.  ఈ ఫోటోకు "ప్రభాస్ తో నా మొదటి తెలుగు పాట #బ్యాడ్ బాయ్" అంటూ క్యాప్షన్ ఇచ్చింది.  ఈ పాట చిత్రీకరణ జరిపిన ప్రదేశం అద్భుతంగా ఉంది. ఆ లొకేషన్ కు మించి అన్నట్టుగా జాక్వెలిన్ తన మోడరన్ డ్రెస్ తో చూపరుల మతి పోగొడుతోంది.  వైట్ టాప్.. పైన జిగేల్ మనే సిల్వర్ కాయిన్స్ డిజైన్.. నానో మీటర్ సైజ్ లో ఉండే డెనిమ్ షార్ట్ తో ఒక సెక్సీ పోజులో అలా పడుకుంది.  ఇయర్ రింగ్స్.. కాళ్ళకు కడియాలు.. చేతికి వాచ్.. ఇలా అన్ని యాక్సెసరీస్ జాక్వెలిన్ డ్రెస్ కు పర్ఫెక్ట్ గా సూటయ్యాయి. ఫ్లాట్ యాబ్స్.. కాళ్ళ అందాలు చూస్తే.. లోకల్ బ్యూటీలకు ఇంటర్నేషనల్ బ్యూటీలకు ఉండే తేడా ఇదే కదా అనిపిస్తుంది.

Related Posts Plugin for WordPress, Blogger...
Related Posts Plugin for WordPress, Blogger...